【西環集中營】
政改方案否決後，政府、建制、泛民角力重歸立法會事務，首當其衝是政府提出的創新科技局撥款，雖然泛民對政府以民生議題撥款作「人質」十分不滿，有意拉布抗衡，但也有泛民議員持不同意見，認為放行也無問題，事關科技界中人皆知，楊偉雄非有料之人，「等佢快啲上任咪死快啲」。
有科技界中人笑言，楊履歷似乎相當「猛料」，美國加州理工學院電機工程及應用數學學士、史丹福大學頒授電機工程碩士學位及工商管理碩士學位，亦曾是英特爾高級設計工程師、蜆殼電器工業集團執行董事、數碼港行政總裁、理大副校長等等，但與他共事過的人說，楊除了愛「認叻」，另一真正強項只是飲紅酒。
蒙瓶試酒一飲知產地
曾與他共事的人笑言，楊對紅酒的熟悉程度已去到專家級，「佢蒙瓶試酒，一飲就可以講到產地同牌子，有時仲連年份都可以估中」，不過他對創新科技有何遠大視野及願境？則真的未有聽過。另一科技界中人說，楊背景是工程及做管理工作，科技政策要講創新創意，「佢做數碼港行政總裁、理大副校長時，有冇提出過乜大膽創新構想，令數碼港、理大係創新科技方面一炮而紅？冇囉！」
所以有泛民議員同季陶說，不如索性快快讓創新科技局撥款通過，等楊快快上任，「到時畀佢快啲做嘢，做唔到嘢咪可以快啲死！」
季陶
周一至周五刊出