A股四日市跌了三日，與5000點越走越遠，港股亦表現牛皮。綜合基金界意見，市場似乎對內地及香港股市走弱，並無產生「離場」想法，中線對股市、特別是內地A股仍持樂觀態度。有基金朋友說︰「大家都仲覺得內地個市係調整，因為內地主旋律仍然係撐A股，或者咁講，呢一刻唔可以唔撐落去，已經洗濕咗個頭。」
朋友續說：「多個股票市場歷史話畀大家聽，股市大約走在實體經濟前6個月，咁A股升咗大半年有多，但𠵱家中國經濟數據居然仲係越嚟越差，事實已經擺在眼前，咁多經濟刺激措施都係冇乜用，主官意志仍未喺實體經濟發生功效。」
看淡經濟是一件事，對股市看法又是一件事。朋友謂，若要選擇買入還是沽空，他還是會選擇買入。他說：「喺真係見到實數（公司業績）前，個市暫時都仲有得炒，當然，已經冇之前咁容易賺錢啦……若果要喺A股跟港股兩個市場揀一個，我都仲係揀A股，習主席話睇一萬點嘛，冇理由連六千點都去唔到啩。」形勢比人弱，惟有「二仔底死跟」。
密西比