【本報訊】「你唔好再搵啲茄喱啡嚟扮我老竇啦！」12歲無證童肖友懷懂事以來，日前在汕頭首次與生父相見，見面前他對外婆說：「你係咪想將我留響呢度？亂咁搵個人嚟扮我老竇。」父子見面一小時，全無交談。懷仔昨對記者說：「我第一次見佢，我都唔識佢！我恨佢！」
懷仔外婆周紹璇說，日前她帶懷仔到汕頭茂北村委辦理婆孫關係證時，因未能提供有效證明，被公安打回頭，最後在公安要求下，懷父肖輝鴻終到村委充當證人。「呢個就係你爸爸啦」。懷仔朝婆婆所指的村委門口，見到門口蹲着一名中年男子，全程沒與父親交談。
稱不願回父母身邊
事後懷仔返回深圳臨時租住的劏房向記者說：「我恨佢，如果佢唔揼低我，阿婆就唔使咁辛苦。」
記者問懷仔是否願意回父母身邊，他說：「我兩個都唔接受，如果當初佢哋冇揼低，唔會搞咁多事出嚟！」
■記者張軍