岑倚蘭，入行逾30年，《蘋果日報》、第一代《蘋果》網站＠next.com開國功臣。人稱岑倚的她在《蘋果》5年，做過靜態組採主、A1編輯、網站執行總編輯。95年開報之初，《蘋果》發動減價戰，當售價回復正常，銷量即由原來的數十萬份，跌回10多萬份，「惟有鬥新聞，新聞先令張報紙銷到」。
那年代正值醫療新聞的高𥧌期，98年爆發禽流感，《蘋果》差點就「全球獨家」引爆，「政府知你有呢條料，於是自爆咗先，係全球首宗個案」。其後接連引爆梁愛詩患癌、黃河生、程介南利益衝突等醜聞，「做到個氣氛，啲人有乜嘢料，就自動報嚟」。
「同事邊報料邊喊」
爆新聞手到拿來，如何在截稿前撫平記者情緒，卻是另一門學問。96年嘉利大廈五級大火，突發女記者跑上對面大廈拍攝火場情況，透過長鏡頭，看到大廈裏的人活生生燒死，回到報館，她情緒仍很波動，岑倚憶述：「當時一邊要安慰佢，心諗亦要快啲交稿。」最後女記者帶着悲傷情緒完成寫作。
還有一宗醫療失誤，死者是同事親人，「同事一路報料，一路喊，呢單係頭條新聞，惟有一路收料，一路安慰同事」。「做採主，不能過份冷靜，適當時候，要做輔導員，平復番記者面對嘅衝擊」。
岑倚每天都看《蘋果》，訪問期間忍不住直指：「最近你哋有啲新聞取向，好奇怪，係咪去政治化呢？之前報道警察打示威者用魔警，我覺得只能用惡警，但𠵱家發到另一邊，個落差好大」。她寄望《蘋果》莫忘初衷，謹記要站在無權者一邊，秉成有guts的編採方針政策。
蘋果20年 企硬我敢言
http://20.appledaily.com