兩年沒出廣東專輯的陳奕迅（Eason），新碟找來好兄弟謝霆鋒作歌《起點．終站》，之前Eason出席活動曾說：「呢個人好耐冇寫歌，一寫就寫隻咁嘅嘢嚟，好撕裂。」而MV精華版本現率先曝光，坐在梳化的Eason，被一支槍指着頭顱，跟着頭部中槍倒下，原來開槍的是一位索爆鬼妹。雖然只聽到幾句歌詞，但編曲有不少弦樂，甚具氣勢，有少少霆鋒舊歌《停電一日》的影子。
隨意打扮麻甩對談
這條短片還有Eason和霆鋒的麻甩對談，兩人衣着打扮隨意，Eason一頭亂髮戙高腳，霆鋒更着背心短褲，Eason說：「印象中好耐冇聽過謝霆鋒嘅melody，C.Y. Kong就話：『你求佢啦！』我話：『好呀！』滲吓滲吓唔可以逼，唔可以畀壓力。」霆鋒說：「因為中間我寫過好多嘢，過唔到自己嗰關丟咗。」
Eason接着說：「經過好多次嘅聚會同埋message，你交咗一個叫做『Nic rock7.1』，但好快就send『7.2』過嚟，應該係同一隻歌嚟嘅，我哋聽極（聽唔出分別）……睇嘅time code差咗10秒，我哋聽咗好耐再問作曲人（霆鋒），究竟7.1同7.2有乜分別？佢話唔記得咗，後來終於明白中間有個chorus係少咗。」
Eason抵死說：「你知謝霆鋒㗎，其實佢係會擺好多心機去設計一啲嘢，我會覺得係嚟考我：『畀個挑戰佢啦，佢乜嘢都試過，好多歌都唱過。』」霆鋒大笑搖頭解釋道：「唔係要嚟考你㗎！」Eason才說：「其實我諗多咗，冇咁嘅嘢。」十分好笑。
撰文：皓騫
蘋果20年 企硬我敢言
http://20.appledaily.com