國統局噚日公佈5月份70大城市樓價，樓價按月錄得上升嘅城市，連續第3個月增加，其中深圳樓價升幅高位6.7%，正如之前所講，樓市復蘇態勢越來越明顯。
不過，樓價始終對民生影響大，阿爺呢隻有形之手要如何收放，確係一門學問，尤其是喺A股已經有一定的升幅，產生的財富效應有可能流向樓市。
近期樓市升溫，亦可以從不斷與樓市相關嘅新聞出現中可以見到，從民生上到政策層面都有，例如深圳有賣家因為預期樓價會升而將物業封盤唔賣，甚至內地更有消息傳出，中央將會放寬外資購房嘅限制。當然，實施咗成10年嘅限外令，總要有個理由先可以合理化，中央個諗法就係去行政化。
雖然去行政化思路正確，但被抑壓多時嘅樓市，一下子又放寬限購，又放寬限外，係咪一下子放寬得太多？而目前亞洲大部份地區，都要使出行政措施去限制外國人（其實係以內地人為主）買樓，證明內地人希望買樓投資嘅人仍有唔少，在取消限外之前，似乎需要先疏導呢班人嘅投資需求。
流氓