政改表決建制派蝦碌收埸，作為「香港良心」亞洲電視嘅老闆王征（圖），噚日忍唔住喺微博「發出最後的吼聲」，大鬧成件事變咗國際醜聞，仲叫中央即刻撤換特首梁振英同中聯辦主任張曉明，以示問責喎。
王征「關心」香港就係人都知，噚日政改表決結果一出，佢就喺微博話：「敵人並不強大，卻成國際醜聞。」王征仲建議中央：「仿當年撤董之舉，長痛勿如短痛，立即撤換特區行政長官梁振英先生及中聯辦主任張曉明先生，以示問責。」
王征段微博仲上載埋一張改圖，揶揄班建制派連贊成票都冇投，就走咗去。八方細心一睇，幅圖原來係出自香港獨立媒體網頁喎。