容祖兒和李克勤將於9月假紅館開騷，日前首賣8場門票火速沽清，昨加開3場同樣被掃光，紅館於售票處貼出全滿告示，一票難求，淘寶網更喪炒到2,999人民幣一張！祖兒說：「其實我都俾人cut飛，頭好大！朋友嘈晒叫我哋開part 2，又提議喺紅館外做直播搞戶外企位，我聽到好暈，呢啲嘢最好公司諗啦，作為歌手都係畀心機做好個騷先。」
克勤則說：「收到好多歌迷好激動留言話買唔到飛，其實我又何嘗唔係一樣咁激動，我俾朋友屋企人鬧：『你都訂唔到飛？唔識你就話冇飛，識你又冇飛，咁識你咁耐做咩！』我哋新歌叫《世界真細小》，但每次開騷，我其實覺得紅館真細小。」
採訪：溫敏芝
攝影：陳順禎