噚日政改表決，大家預咗會被否決，但估唔到建制派搞場大龍鳳，亂過亂世佳人。坊間傳出好多版本傳言，話有背後勢力搞鬼，但有網友話係天意，因為噚日係破日，唔應該做咁大決定。
玄學家麥玲玲話，噚日農曆五月初三係破日，因為呢日係「乙丑日」，而今年羊年係「乙未年」，由於丑未相沖，所以噚日同年份相沖，又叫做「歲破」。
其實，前日星期三五月初四，政改表決會議第一日，都係破日，前日係「甲子日」，而農曆五月為壬午月，由於子午相沖，所以前日係同月份相沖，所以係「月破」。她繼續話，破日有破除去舊嘅意思，不宜進行大事，例如結婚，同埋商議重要議題；破日只係較適合拆屋、接受治療去除病痛等。佢說喺呢兩日表決政改，就有可能導致噚日嘅紛亂局面，尤其係前日周三，「因為嗰日仲同梁振英相沖㖭，真係有破壞冇建設」。