樂基兒（Gaile）回歸香港後，工作一直排得密麻麻，昨日她與汪詩詩出席美國雕塑大師Carole A.在尖沙嘴海港城舉行以戶外泳池為主題的雕塑展覽。Gaile熱愛水上運動，透露愛去沙灘曬太陽：「如果喺香港，練完瑜伽會去淺水灣曬吓太陽，我好鍾意水上活動，好似游水同滑水，去啲地方偏遠，唔擔心會被偷影。」之前她曾與金融才俊Brian滑水傳出緋聞，記者問到她的感情生活，今次她沒有之前的神不守舍，笑說：「唔知呀，呢幾日都有小小病，感冒，暫時同以前一樣。」
Coco撐向佐唔爛賭
Gaile直認單身，問到有否追求者時，她甜絲絲笑一笑後說：「𠵱家比較忙，過多排要去意大利做嘢，會留兩個禮拜，夏天過得好快，睇吓有冇機會，呢個夏天都可以認吓啲人。」問她會否愛上救生員？她說：「其實鍾意嘅話唔係要乜嘢類型，而係講感覺。」她亦不需要對方愛水上活動：「我鍾意化妝化好耐，如果一齊整頭佢仲耐過我，我會好驚，not everything do together。」
此外，女子組合少女標本四名成員許雅婷（Kabby）、袁紫僑（Coco）、溫心與簡淑兒（Jessica）接受本報記者專訪，對於有報道指Coco前男友周志文跑數還債兼翻撻，Coco表示不知情，大家只是普通朋友，另一緋聞男友向佐最近被指於內地賭波欠債百萬，她說：「唔知呢件事，平時佢唔係賭錢嘅人，應該唔係。」被指為何身邊的男士均有錢銀問題的傳聞，Coco笑說：「我都想知。」
採訪：羅慧敏
攝影：陳慧安
