禮拜日沙田八草兩泥賽事，草地用C欄作賽，呢條跑道一向對內檔馬有利，睇番最近5月16日同一移欄八場賽事，每場均有一至四檔馬入Q。至於跑法方面，頭馬全部於入直路時唔落後放頭馬多於兩個半馬位，可見前置馬優勢甚大，其中「心晴」一放到底爆冷贏馬，另外、「曦世之寶」及「總統之上」守貼欄包廂位建功，具前速馬匹仍要優先留意。今戰列陣馬中，七場「寶貝王」四戰田C欄未失前四名，另外，八場「萬事欣」跑田C欄一次即勝，抽三檔賺跑道形勢值得睇好。至於泥地方面，上月至今七場泥地日賽，放頭馬勁贏六W，可見季尾泥地大利前領馬，第四場「快快贏」及第九場「劍飛聲」等擅跑泥地之放頭馬不妨秤高多少。