英國航空業顧問公司Skytrax全球航空公司年度排名噚日出爐，呢項國際調查由來自110個國家同地區、約1,889萬名乘客投票選出，好有公信力，所以有「航空界奧斯卡」嘅稱號。
#卡塔爾航空稱冠
香港代表國泰航空係去年嘅全球最佳航空公司，但今年就失落大獎，跌咗落第三名，取而代之稱冠嘅，係上年排第二嘅卡塔爾航空；新加坡航空亦升一位排第二。睇番紀錄，國泰曾經四度稱冠，希望國泰今年繼續善待空姐空少，員工開心，航空公司同乘客都放心，費清祝願國泰下年可以載譽歸來。
越來越受歡迎嘅最佳廉航，就由亞洲航空奪得。費清知道好多香港人聽到內地航空公司就怕怕，不過大家都可以考慮吓中國區最佳航空公司、全球排名22嘅海南航空，或者排第36位嘅南方航空。至於去年接連發生空難嘅馬航就跌咗幾級排第24位。
＃要生計，也要生活 ＃毋忘初衷
費清