一年一度嘅港姐仲未公佈正式入圍名單，但參加者嘅身份就不斷浮面，暫時最突出嘅梗係女拔十優狀元兼劍橋法律系畢業嘅麥明詩(Louisa)啦，佢唔止被網民評為美貌與智慧並重，仲被爆喺劍橋留學期間收過好多兵，位位都係法律系高材生。
而另一位被人關注嘅，就係帶住122磅、自認係「肥胖的身軀」、「厚臉皮」嘅「牛雜妹」Monnie。可惜！佢昨日喺blog寫道:「經過了將近一個星期的等待，很抱歉我要在這裡向對我抱有期望的大家宣佈：我沒有成功晉身香港小姐2015的第二輪面試。」
另外Moonie仲分享咗佢近日嘅心情：「很多朋友安慰我說：不要在意別人稱呼你為『牛雜妹』，是那些人太過份了。其實，我並不覺得這個名字對我來說是個侮辱…我會回答：這些牛雜一點都不臭，我們3兄妹就是靠這些牛雜養大的。對於這個稱呼，我只感到無上光榮和自豪。而對於有人問為甚麼有了點名氣後還要去餐廳幫忙裝勤奮，我的回答是：『餐廳是我的家，我不會因為害怕別人的閑言閑語而不回自己的家。』…」相當勵志的真人真事。