《大時代》股神葉天嘅《股票必勝法》，為香港股民必讀經典。至於炒內地市，就一定要讀熟「牛市炒股真經」！雖然呢部《真經》，只有短短37隻字，但字字珠璣！全文如下：早上大跌要買！早上大漲要賣！下午大漲不追！下午大跌次日買！早上大跌不割！不漲不跌睡覺！簡單來講，就係如果你信係牛市，咁就唔怕跌，跌市都唔沽，跌咗就撈低，越跌越撈，無升跌就唔做嘢，大升就要防莊家設局。