漢能（566）主席李河君而家周身蟻，但佢仲好有閒情，昨日喺北京總部宣佈，要投入10億人民幣改造沙漠，打造綠色一帶一路，造福全人類。至於被證監調查，公司幾時可以復牌呢啲小事，當然不值一提。
李河君短短時間內，創造幾千億光伏帝國，令人嘆為觀止。有內地股民將李河君與當年「A股梟雄」唐萬新比較，發迹史同作風都好相似。更難得係，兩人心理質素同樣超晒班。
唐萬新當年打造的德隆系是A股神話，一度資產超過1,200億元，旗下有多家上市公司，實質都沒有盈利，靠關聯交易和股權質押融資，再自己坐莊炒股，越炒越高，被稱為「德隆模式」。有股民懷疑，漢能可能就係當年德隆模式翻版。唐萬新曾有豪語：「用生命賭的，一定最精采」，最終2006年因操縱價格罪被判八年。
黃尹華