無綫新聞部嘅主播同記者辭職潮，幾時先會完㗎？但揀咗喺噚日政改大戰日離巢嘅彭國柱，冇喺告別感言露玄機。
其實彭國柱前日已喺IG話自己2005年7月第一次喺無綫電視新聞亮相，第一個stand-upper有動作──就係揭報紙，諗番當年咁做，笑指好有難度。
到噚日中午彭國柱喺IG上載坐喺直播室嘅相，自揭謎底話係last day，覺得離巢日仲遇上政改重要日子，永遠都會記得。佢話喺TVB新聞部嘅十年零十七日，經歷各樣新聞大事，賺咗買唔到嘅經驗。雖則都仲喜歡做記者（點解仲要走呢？），但都想睇睇新事物喎。
蘋果20年 企硬我敢言
http://20.appledaily.com