勇士球迷出名熱情，周二雖然作客，但勇士主場甲骨文球場照樣開放畀球迷睇大電視直播，收費15美元（約116港元）仍然有過萬觀眾入場支持（圖）；勇士贏波封王後，喺所屬地區奧克蘭以至鄰近嘅三藩市，都有大批球迷上街慶祝。勇士亦落實周五朝早10點喺奧克蘭舉行勝利巡遊，海灣區球迷到時可以親身接觸呢班冠軍功臣。