淘寶每年都有幾次大優惠，今次喺年中促銷，不過就有讚有彈。讚嘅係，有4項優惠係香港會員專享；彈嘅係，忽略咗費清呢班淘寶老手囉。
＃首用八達通有回贈
4項優惠有兩項都為新手而設。會員即日起至本月30日喺淘寶網、天貓首次用PPS繳費靈畀50蚊人民幣或以上，就可以有20蚊人民幣利是，但數量有限，送完就冇。另外，同期客戶喺淘寶網、天貓、聚划算或阿里旅行．去啊，首次用八達通付款100蚊港幣或以上，即可獲日日賞30蚊。淘寶老手都知上面兩種付款方式，匯率、手續費都比較抵，又點會仲係第一次先用吖。
官方國際集運服務嘅優惠，比較吸引。喺指定時間落單同合單，就可以有首公斤八折優惠。購物落單日期由聽日凌晨0時0分至本月24日晚上11時59分，物流合單日期由聽日凌晨0時0分至下月5日晚上11時59分。
最後一項優惠，透過JETCO銀通、上海商業銀行合作建立嘅銀行賬戶快捷支付服務繳費，手續費只需1%。詳情瀏覽 http://hk.taobao.com/go/market/act/pay-promotion.php。
＃要生計，也要生活 ＃毋忘初衷
費清