【本報訊】支持、反對政改方案民意相若，看在評論家詹德隆眼裏，社會從未如此四分五裂。甚少開腔論政的他指，四成反對率，相當於約300萬人；若政府一意孤行，會令政治不穩定，動搖香港作為國際金融中心地位。
他認為泛民議員已不可能轉軚，否則「2016年立法會（選舉）你仲做到議員？」
詹德隆與前匯點成員張玉堂律師、前政務司司長陳方安生、前法援署署長張鄭寶蓮等專業人士，以及部份前高官，創辦了公民實踐培育基金，計劃向年輕一代灌輸香港核心價值。
政府指鹿為馬損港地位
詹在上周受訪時，引述當時的政改民調走勢指，反對率維持42%，若以香港700萬人口推算，相當於300多萬人，「差唔多係一個歐洲國家嘅人口。如果你一意孤行，後果會好嚴重」。
他不相信，任何一位特首會完全不理會中央政府，獨斷獨行，認為中央政府過份憂慮才會作出8.31決定，「香港人唔會做儍仔，唔好賣啲A貨畀佢，叫袋住先，第日唔鍾意，再返嚟換，呢種做事模式，香港人唔會接受」。
他警告，若政府執意指鹿為馬，只會令社會更分裂，爆發嚴重衝突，最終會影響香港金融中心地位，「國際金融中心嘅先決條件就係政治要穩定，倫敦2、300年嚟作為國際金融中心，就係因為政治穩定。否則700萬人嘅城市，靠乜生活？」
一同受訪的張玉堂認為，政府的政改方案有明顯篩選，「如3個都唔係我揀，你叫我投票，我都唔投」。
80年代前途談判，他與一眾匯點成員，支持民主回歸；30多年後底牌揭盅，得到是8.31框架下的假普選，張坦言「好失望」，「事後睇番，的確有啲天真」。
政改方案最快今日表決，詹德隆認為，通過的機會微乎其微，「民主派4票走過嚟？2016立法會（選舉）你仲做到議員？真係好天真。就算走4票過去，嗰邊（建制派）走番兩票過嚟呢？咁醫學界呢？」他寄語北京，若香港特首一定要是她們能接受的人，那麼北京亦應明白，她們認可的特首，也一定要是香港人能接受。
張玉堂指出，一旦政改方案遭否決，作為負責任的政府，應重啟政改，以化解民怨。「政改係市民嘅心結，政府話集中解決民生問題，只係一廂情願」。
■記者雷子樂