蔡思貝前緋聞男友麥秋成昨日喺西營盤開設第二間跳舞學院，嚟捧場開幕禮有佢嘅學生梁靖琪（Toby）、張惠雅（Regen）、蔚雨芯等，毛舜筠因身體不適而缺席。
近排努力為教健身教練牌嘅Toby，身形健碩不少，連帶佢平日驕人上圍都消失了，受訪時，佢承認上圍係跌咗兩Cup，不過佢反而好開心話：「我真係好開心，我由細到大都係比較豐滿，o依家反而方便、舒服、輕鬆咗，連着衫都好睇咗。」
尚欠一個考試就可以正式領教練牌，Toby計劃明年跟朋友合資開健身中心，講到若果男學員要求單對單訓練咁點？佢話：「OK呀，不過舉重可能我未必夠力，其實好多朋友都講咗話想學，盈盈都話生完搵我，若果係男仔就幫佢按摩，因為我哋都會幫學生按摩放鬆肌肉。」