河國榮前晚在fb透露首隻收養的16歲愛犬Dallas大前晚逝世，過去7個月內三隻愛犬相繼離世。河國榮昨在電話中說：「冇辦法，心梗係痛。」他指Dallas患骨節炎及腦癌，至大前日雙腳更不停撐，他說：「醫生話佢個腦已經短路，佢會撐兩、三日撐到心臟停止，我哋咪比佢安樂死。」
河國榮家中9隻愛犬連Dallas在內病了6隻，其中4隻懷疑食錯問題狗糧而流血、流膿和甩毛。河國榮說：「Dallas冇食，另外4隻食咗嚴重敏感，啲狗糧係人哋送，包裝非常差，英文文法錯，肯定係內地公司扮美國公司。我哋為咗慳，佢哋兩餐一餐食靚嘢，一餐食平嘢，估唔到人哋送嘅會毒到咁，呢排醫療支出接近兩萬，吃力係吃力，惟有其他方面慳。」
此外，莫文蔚日前在微博呼籲抵制廣西玉林狗肉節，但內地網民卻反罵她是狗奴，損害中國人食狗肉權利，又指吃的是家養狗而不是寵物狗，相當野蠻。
採訪：魯吉