今屆美洲盃幾乎日日爆冷，獲得低胸巨乳女粉絲撐場嘅玻利維亞（白衫）前日就係Ａ組以3:2贏厄瓜多爾（黃衫），攞到近18年首場美洲盃勝仗之餘，兼爆6.5倍W同埋70倍波膽。至於同組嘅主辦國智利同墨西哥合演入球騷，最終和3:3，爆3.7倍和波同埋80倍波膽出嚟。
智利教練森柏奧利賽後話佢哋贏唔到好唔抵，事關電視重播顯示佐治華迪維亞同阿歷斯山齊士入嗰兩球都係冇越位，但秘魯籍球證卡利路就判無效；雖則佢哋幫唔到捧場客贏錢，不過買咗佢哋中場維達爾贏金靴獎嘅球迷應該好開心，皆因維達爾前日入兩球後以三球暫列首位，仲由開賽嘅22倍升溫至現時嘅3.1倍。另外，唔知巴西名將朗拿度係老人痴呆定係一時記錯，竟然喺幫電視台做評述時，話睇好因停賽而無緣參賽嘅烏拉圭前鋒蘇亞雷斯贏到今屆嘅MVP。
識睇，一定係睇足英台【英波Live】：
http://soccer.appledaily.com
http://bit.ly/engballlive