眾所周知，肥龍骨精強當年寫專欄妙筆生輝，用字登峰造極，令讀者充滿幻想。除了支筆厲害，現實中的他究竟是個怎樣的人？原來，是一個球迷與車迷。
接近三十歲時開始出道做風月版，自稱現年已「五字頭」的肥龍，真人原來一點也不肥，還相當高大健碩，身高近五呎十一吋，與筆名給人的感覺截然不同。談到興趣，龍哥坦言喜歡看足球比賽，尤其愛西甲巴塞隆拿：「最鍾意巴塞啦！球星就最愛尼馬同美斯，唔鍾意C朗！」
龍哥還透露年輕時很愛駕車，故考了所有車輛牌照：「全部香港所有車我都揸得，包括貨櫃車、的士同埋旅遊巴士。」正正因為擁有多個車牌，令龍哥得以應用在工作上，更做過第一代狗仔隊。「我試過扮的士司機，等個女藝員訪問後安排上我架車，咁我就喺的士上面偷拍，同埋最重要聽到佢電話中嘅對話內容。」
豪情版於二零一二年八月尾停刊，肥龍骨精強從此在紙媒消失，「封筆」後的龍哥現轉型當服裝設計及傳媒公關。「夜場有啲宣傳，要搞沙灘之夜着泳衣咁，我就會幫手諗設計，諗下制服。同埋會幫傳媒手，做PR工作。」
事實上，才子陶傑與電台主持曾志豪被訪時都提過很喜歡看豪情版，假如它能夠翻生，肥龍又怎樣看呢？「睇吓蘋果日報需唔需要幫手，需要嘅話冇問題。其實呢行五花八門唔會悶，夜場仲不停咁變，好多嘢玩好多資訊。」
【蘋果二十年】系列：
人人問肥佬黎 爆seed同情梁振英 http://bit.ly/1dlMzVN
人人問老闆 飛仔黎變肥佬黎 http://bit.ly/1dlMzVR
下個20年 我想《蘋果》點？ http://bit.ly/1MgqFi8
風雨不改：一份《蘋果日報》的誕生 http://bit.ly/1MgqFic
禁果造就《蘋果》 廿年銷量夠行地球一圈 http://bit.ly/1drhUq9
《蘋果》創報受阻 「神童輝」憶當年辛酸 http://bit.ly/1drhUq1
最長壽名采王 三支筆寫足廿載 http://bit.ly/1QtXP4z
【蘋果五個二十年】靚相功臣 用鏡頭說話二十年 http://bit.ly/1Mm0mr8
【蘋果五個二十年】迎面而來的子彈 突發騎士有免死金牌？ http://bit.ly/1Mpuu4H
【蘋果五個二十年】發行《蘋果》夠過癮 德強深信紙媒不死 http://bit.ly/1JN6N7h
【蘋果五個二十年】大管家先生 最緊要執生 http://bit.ly/1QtXP4v
【蘋果五個二十年】報紙出街要靠佢 蘋果最後把關人 http://bit.ly/1JQmZ7Q
廬山真面目 肥龍骨精強現真身 http://bit.ly/1dFe7ps