再過兩三天，外界便知道這場政改大戰有沒有泛民主派臨尾轉軚，當然，泛民議員不約而同向季陶表明，今次肯定沒有人會轉軚，更以日前壹傳媒創辦人黎智英所言回敬季陶：「邊度有人會想做契弟？」其實就連建制陣營也對政改不獲通過打定輸數，雖然泛民與建制對政改結局的最終影響，有南轅北轍的意見，但對未來有同樣的展望：是時候暫時放低政改爭拗，搞好未來連場選舉。
由於中央態度強硬，泛民主派一早認定今次不會再有泛民臨陣轉軚，一早預告方案會被否決，所以私下都想在表決期間採取速戰速決態度，有泛民說：「當然唔少人都會用嗰15分鐘發言鬧爆中央同特區政府唔畀真普選香港人，但其實私下都想快快脆脆搞掂佢，因為日日講政改，最終都係得個桔，搞吓民生為區選備吓戰仲好。」
建制派密密落區
有建制派都向季陶笑言，在泛民天天高舉反政改旗幟的時候，他們反而密密落區做選舉宣傳，「橫掂講來講去，阿爺唔會讓步，泛民又企硬，個結果個個都預計到，仲搞咁多嘢做乜？」
季陶都向部份泛民主派中人打探過，不約而同指希望政改爭拗暫時淡化，以便集中火力應付年底的區議會選舉，始終區選與立法會選舉不同，除個別選區，選民投票時，普遍會考慮實際的地區政績大於政治理念，因此他們認為是時候在政改否決後，集中火力搞好區選。有泛民中人苦笑道：「除咗要以地區政績拉票，仲要應付建制派嘅抹黑，例如話泛民唔畀香港普選呀，所以今年嘅區選較以往都難打，希望搞完政改後，可以有多啲時間部署。」
周一至周五刊出
季陶