有「香港球王」之稱的胡國雄，於1979年至1982年連奪四屆香港足球先生，成績斐然，他在1980年更是香港首屆金靴獎的得主，得獎後他接受70年代年輕人節目《BangBang咁嘅聲》訪問，訪問他的是歌星陳百強（Danny），看到兩位巨星昔日的片段，令人不勝欷歔。
胡國雄在訪問中表示，事前並沒有想過會得到金靴獎，他說：「踢到最尾嗰幾場，佢哋（隊友）提我話呢個獎除咗足總盃唔計之外，乜聯賽、盃賽都計，𠵱家都唔係差好多球，仲有呢三幾場，你有機會追到張家平，既然隊友都咁提我，我就盡自己力量，睇吓可唔可以攞到囉！」
踢小型開始
Danny問胡國雄何時開始踢波？胡國雄笑着說：「我好細個就開始踢，事關我細個爸爸就買個小型足球畀我踢，所以踢小型足球都踢咗11年，到咗69年我先加入東昇踢業餘組，嗰時正式踢大波，即係足球，所以踢大波踢咗12年。」Danny再問如何保護雙腳，他說：「好多時都係戴pad，踢波時就算大家撞到，有時唔係『踢茅波」，唔小心撞到都唔會受傷，咁就會好啲。」
撰文：楠楠
