星期日由深夜開始有歐國外，一路到晨早仲有美洲國家盃，不過論吸引力隨時都唔及呢兩場慈善賽，皇家馬德里對利物浦同埋曼聯鬥拜仁慕尼黑，四隊波各自由曾經效力過嘅名宿組成，球星如雲，可惜嘅係香港冇直播睇，如果唔係求大俠都會轉台緬懷吓。
施丹奧雲科拿齊獻技
皇馬傳奇隊喺主場對利物浦傳奇隊，為西班牙紅十字會打氣。皇馬陣中有施丹同埋卡路士等，連「兀鷹」布達堅奴都落埋場。紅軍方面全部都係熟悉面孔，科拿、貝加同埋基維爾之外，仲有同時效力過紅軍同皇馬嘅麥馬拿文、奧雲同埋杜迪克。紅軍喺開賽初段連入兩球，但之後卡路士連入兩個重炮12碼扳平，最後皇馬贏4:2。
紅魔4:2贏拜仁
鏡頭一轉去到奧脫福，有曼聯傳奇隊對拜仁傳奇隊，有黑雙煞約基同埋高爾、史高斯加埋雲達沙等名將上陣嘅紅魔鬼，以4:2贏波。
識睇，一定係睇足英台【英波Live】：
http://soccer.appledaily.com
http://bit.ly/engballlive