【本報訊】導致9名港人罹難的埃及樂蜀熱氣球慘劇，發生至今逾兩年，但難屬向當地保險公司索償毫無寸進，本港的旅行社勝景遊亦懶理，其中6名死者的家屬將於今日入稟法院，向勝景遊索償。慘痛回憶對死者家屬纏繞不散，一名家屬嘆謂：「有件事永遠拖住你後腿，唔可以放低，因為嗰個係你屋企人。」另一死者兒子憶起與母親在機場臨別時向她發脾氣，令他遺憾永不能親口說句「對不起」。
記者︰黃幗慧
在2013年2月26日，參與了勝景遊埃及團的9名團友，自費參加熱氣球升空。其中一名團友黃廣聲（70歲）因畏高，未有與妻子何愛英同行，結果成永訣。黃對意外經過仍歷歷在目，「每日天濛光就會諗起熱氣球墜落嚟個情景」，無奈年長的他每天很早便醒來，未能避開黎明。
子遺憾未向母說對不起
他以往經常與妻子到山上晨運，現在只得獨自一人出門。他只能將妻子最喜歡的遺照放在手機，好讓他隨時看相解牽掛。
意外前，黃要在全黑的環境才能入睡，但現在睡覺卻要開着燈，還要服鎮靜藥物，另需定期約見心理輔導員。
他任職高級消防隊長的兒子黃仲民，昨陪同父親接受訪問。兒子憶述當天駕車送父母往機場，途中因不滿母親出於關心的囉唆，雙方吵起來。他說：「去到機場冇同佢講過一句嘢，揼低行李，帶埋我個仔就走。但就以後都見唔到，呢個係一個遺憾。呢句『對唔住』，親口冇得講」。他自此教導兒子不要向母親發脾氣，「因為唔知幾時幾刻，會見佢唔到」。
黃仲民仍保留亡母的手機及號碼賬戶，並每月到母親墳前拜祭。他說母親本來工作多兩年便退休享清福，但卻遇上意外。他想起認屍的情景，母親容貌已難辨認，「見到阿媽變成咁，預計到佢出事前所受的痛苦有幾大，點解要咁箒？」說時難掩傷痛。
至於在意外中喪失弟弟及弟婦的蕭志強，同樣過了兩年多疲於奔命的日子，卻未知事件何時了結。失去家人已夠傷痛，投訴無門更加重家屬的壓力，蕭說：「慢慢咁折磨你，個心情好難形容，有件事永遠拖住你後腿，唔可以放低，因為嗰個係你屋企人。」
蕭與弟弟蕭志文均從事電訊業，當時弟弟將轉工，決定展開新工作前去旅行，料不到成為亡命之旅。他說父母年事已高，父親不多提問，母親則間中說會夢見兒子。蕭志強擔起所有善後工作，他明白路途遙遠，「我哋冇得懇求佢哋返嚟同我哋一齊生活，咁希望所有嘢可以安安樂樂，（死者）安樂去到另一個地方生活，唔使再牽掛住」。