財經事務及庫務局局長陳家強做乜事手指指呢？話說倫敦交易所噚日來港主辦第2屆大中華資本市場論壇，陳家強係嘉賓之一，佢喺開場前見到倫交所行政總裁（CEO）賈思涵（Alexander Justham），又見到好多記者在場，即刻好熱心咁盡地主之誼，一邊跟對方握手，一邊把握時間教路：「佢哋最鍾意問你滬港通、深港通、中港基金互認……」畀賈思涵有個心理準備，講到興起咪出埋手指囉。
陳家強確實估中晒記者想問乜，而賈思涵本身都好識招呼傳媒，好似問到倫交所最新宣佈，接受香港券商成為倫交所會員，賈思涵亦跟足官方答案，點都唔肯解釋多少少，態度友善，但十分口密，陳家強其實唔使咁擔心。