娛樂圈千奇百趣，《蘋果日報》過去20年見證不少，憑着破格一字馬彈出的彭丹於《蘋果》創刊當日已被選為新一代波神，如今卻轉而從政兼做導演，演藝界大變化真的一日千里。另一位同樣對從政有抱負的，是幾乎年年大年初一登上《蘋果》港聞頭版、於黃大仙祠上頭炷香的黃夏蕙，她也希望明年角逐立法會議員，為民請命，爭取真普選。
撰文：郭堡
彭丹可謂《蘋果》娛樂版的老朋友，《蘋果》創報之初，剛好是彭丹來港發展的時期，她以打扮性感、半鹹淡廣東話、一字馬、拱橋打下了一片天地。提到當年執掌《蘋果》娛樂版的社長葉一堅，彭丹仍記得當年對方於聖誕party上邀請自己跳舞：「佢好有風度，而且好幽默，當時佢話自己聖誕願望係同我跳舞。」
彭丹日前在北京接受本報訪問時，對拍攝角度、構圖、佈景擺設、燈光等均力求完美。大概就因這份執着，才令她由演員蛻變成甘肅省政協委員。當年於美國The Juilliard School主修戲劇，副修舞蹈的彭丹，不滿足於香港拍電影只講外表，結果回流內地當導演拍電影，最後更走上從政之路。當時仍處香港電影業最蓬勃的年代，彭丹於巔峯時期一個月內連拍七部電影，收入豐厚卻令她更感不安：「喺香港只要有外表就夠，大家就會滿足，可以畀我好高片酬。當時所有片幾乎都是我主演，但達唔到我心中要求，我想將所學嘅，透過自己作品表達出來，例如做導演、寫劇本，而喺內地我就可以試好多角色，唔再係人哋要我就拍。」
不再公開表演
問到若現在有人邀請她再拍搞笑電影，她可會接拍？彭丹笑謂：「會，其實我𠵱家都搞笑呀，搞笑係個人嘅性格，冇得改變。我覺得觀眾睇到嘅彭丹，唔代表真實嘅彭丹。只係我鍾意有空間，工作還工作，唔鍾意人去了解我工作以外嘅嘢。」不再年輕，不過一字馬、拱橋等動作仍然話做就做，只是彭委員說再不會於大庭廣眾前表演罷了。
當然，掛上了政協的身份，也令彭丹對自己的形象更自覺，初為政協的路，她坦言不易走：「閒言？梗係有，我係個香港回來嘅女明星，可能過去電影上嘅形象，令人更加關注你外表，而忽略你對工作嘅認真，忽略你內在嘅嘢， 有好多人有疑問，點解要選個香港女明星當委員。」