第30屆香港記者協會主辦嘅「記協盃」足球賽，噚日圓滿結束，由記者組成嘅記協隊同政府新聞處職員聯誼會喺友誼賽對決，記協隊最終以3:1力壓新聞處。比賽喺九龍灣啟歷學校天台仿真草足球場舉行，擔任頒獎嘉賓嘅新聞處處長聶德權話，雖則新聞處輸波，但佢話雙方都好落力，「友誼第一」喎。原來三耳處長平時冇乜點踢波，因為踢波要約齊人，佢反而鍾意跑步，一個人成行好有彈性，佢跑咗兩年渣馬十公里，第二次一個鐘內跑完，比第一次快攞咗進步獎。
記協盃冠軍賽由電視台同工程人員嘅「TVU」4:0大勝由娛樂、馬經、體育記者嘅「飲勝」；季軍賽由體育記者嘅Hartiend2:0勝由娛樂、雜誌記者嘅「柴娃娃」。