戴夢夢被爆戀上人夫、太極鼓手朱翰博（Ricky），正印朱太Anne仍癡等老公復合，夢夢被爆做小三後負面新聞不絕，好友Kawaii爆料指她拜金，曾向堪輿師舊愛陳定幫索禮金100萬元現金，但卻因她劈腿令結婚撻Q，甩拖陳定幫獲好友林盛斌（Bob）做媒，另娶女友Bee，現育有1歲囡囡，組成三口之家，難怪懶理夢夢臭史。
陳定幫昨否認被屈100萬元禮金，他在電話中說：「冇咁誇。」至於當年夢夢偷食，陳定幫不置可否：「男女拍拖講信任，唔可以杜絕阻止佢識異性，件事過咗咁耐，無謂提。」陳定幫仍是同情近日負評如潮的夢夢：「我祝阿夢搵到愛佢嘅人，希望大家都放過佢。」陳定幫決定封嘴不再談有關話題，因不想影響妻女。
採訪：陳杰
