《侏羅紀世界》（Jurassic World）上星期喺香港開畫，不但成為開畫單日票房冠軍，超越《侏羅紀》系列前三集嘅香港首日開畫紀錄，截至前日上映3日，更已收2,100萬港元。近年荷李活片重視內地市場，《侏羅紀世界》今次率先上周三喺全中國上映，上映五日已破5.5億人民幣。
《侏羅紀世界》大前日喺美國開畫，首日北美票房大收8,280萬美元（約6.4億港元），電影收得，相信兩天假期後累積達1.8億美元（約14億港元）票房，帶挈埋男主角基斯柏特（Chris Pratt）更加受歡迎，片商打鐵趁熱籌拍續篇，講到明要預埋基斯一份！至於片中18歲男星尼克羅賓遜（Nick Robinson），接拍同嘉兒莫蕊茲（Chloe Moretz）合演嘅新片《The 5th Wave》，被睇好大有前途。
撰文：房早鳴