【本報訊】死守亞視的數百名員工終於等到「白武士」打救，眾人驚喜之餘仍有隱憂，未知亞視將來轉變何去何從。亞視新聞部副採訪主任張志豪表示，收到消息新買家或會營運24小時財經新聞台，希望有資源可以恢復被取消的午間新聞。
亞視配音組員工譚淑英表示，之前不知道賣盤，到宣佈才知道。
亞視藝員「一姐」朱慧珊表示，心情矛盾複雜，有新老闆當然是好事，但未知新公司方向，希望即使不聘用現有全體員工，也繼續聘用七、八成人。亞視藝員劉錫賢認為：「亞視冇咗免費牌照，未來方向好緊要。比如一間雲吞麵舖，改成西餐廳就唔同晒，但如果將雲吞麵舖搞好啲，包大粒啲雲吞畀客人食又唔同。」
盛品儒：望有機會合作
在亞視工作22年的藝人秦啟維將於8月尾約滿，他表示：「未知新老闆啱唔啱用，可能唔啱用，始終幕前有少少擔心。」
亞視前執行董事盛品儒就表示：「期待今後ATV新嘅發展，希望將來仲有機會合作。」
■記者麥志榮