估唔到今季中超仲未打完一半賽程，衞冕嘅廣州恒大就突然易帥，今季先執教嘅簡拿華路喺上星期被炒，恒大亦啱啱喺周五召開記招，正式宣佈由前巴西國家隊主帥史高拉利（大菲）接手。
大菲喺周四晚飛抵廣州，有唔少恒大球迷嚟接機；不過都唔夠喺周一為簡拿華路送行嘅球迷人數多，好彩有班美腿fans獻花搶吓鏡。喺周五記招之前，大菲先同新老闆許家印見面，後者話會全力支持史高拉利同佢嘅教練團隊。之不過簡拿華路喺恒大上半季咁多傷兵嘅情況下，成績其實唔算好差，𠵱家喺中超同另外兩支球隊同分並列榜首；亞冠盃亦打入咗八強，所以大菲上任唔係冇壓力，許先生亦講到明，期望佢可以帶領恒大衞冕中超兼重奪亞冠盃。大菲喺記招度就話，同球會董事長劉永灼係老死，仲話近三年都有留意住恒大踢成點，又即管睇吓佢將恒大教成點，𠱁唔𠱁到班老細開開心心。
識睇，一定係睇足英台【英波Live】：
http://soccer.appledaily.com
http://bit.ly/engballlive