著名邵氏女星、葉振棠女友于楓上月因胃癌辭世，終年63歲，葉振棠一早抵達靈堂送別，于楓的兒子梁作華及家人則於儀式舉行到達，好友邵音音也有送于楓最後一程。眾人在儀式進行時盡顯哀傷，儀式完畢後，梁作華捧着母親遺照前往柴灣歌連臣角火葬場，葉振棠則婉拒訪問。
音音姐提到棠哥心情，她表示：「佢傷心到不得了，冇得安慰，唔通話死咗就算咩？咁好嘅人唔應該咁早去。」音音姐大讚好友有義氣：「佢成日幫人出頭，佢真係為朋友。」問到于楓有甚麼心願，她表示：「佢唔想死，唔捨得個仔同孫。其實我個人睇法唔同，當醫生話冇幾耐，都想做番自己想做嘅嘢，佢一味話唔想死，佢嗰幾個月懵吓懵吓，雖然有護士朝8晚8照顧，為咗佢唔想死呢句，一有事就同佢急救。」
採訪、攝影：羅慧敏