【圓方→尖沙嘴】現年51歲的大佬孝邵仲衡最近人氣爆燈，為了踢走脹爆身形，他早前揚言會努力keep fit；本報前日黃昏6時左右，發現他一個人在圓方廣場逛街，其間他到超級市場入貨，看的大多都是健康食品，果然言出必行！
邵仲衡當日抵達圓方後，先走入服裝連鎖店試西裝褸及恤衫，但揀了10分鐘都未有心水，便改行超級市場，其間不少途人見到他都開聲支持說：「大佬孝，加油呀！」邵仲衡都有笑咪咪說多謝。明顯買慣餸的他，當日亦有自備購物袋，對超市貨物分區亦相當熟悉，他先到凍櫃揀脫脂奶，然後再去買菜及魚，經過健康食品的貨架更逗留了好一陣子，臨離開時再買了一樽番茄醬，可惜在前往停車場取車期間，不慎跌爆番茄醬，邵仲衡隨即通知商場職員清理及連聲說抱歉。
行完超市，邵仲衡晚上出席電影《侏羅紀世界》（Jurassic World）在尖沙嘴舉行的首映，有報道指他去中環「買cheap衫」，他說：「冇嘢嘅，衫幾時都要買嘅，自己大鄉里，經過中環見到呢個牌子，咪走去買吓衫。」《侏》片前天在港上映606場，票房約有546萬元，成績不俗。內地比香港及美國更早開畫，公映三天票房截至昨午已逾2.4億人民幣。
黎燕珊母黃斑病變
同場看首映的黎燕珊表示，剛在澳洲珀斯替有線拍旅遊節目，她說：「帶媽咪一齊去體檢，點知發現媽媽視網膜有黃斑病變，拎唔到簽證。」她又說：「媽咪已經70、80歲，醫生都唔鼓勵佢去，因為有乜事好容易盲，𠵱家媽咪接受咗第二次手術喇！」結果個節目只有她自己一個人拍。
採訪、攝影：
陳俊強、梁繼光、卓寶花
