日本巨乳女星佐野雛子深受男士歡迎，佢最近開始為翻拍自漫畫嘅全新日劇《死亡筆記》開工，佢飾演當紅偶像彌海砂。
日劇版《死亡筆記》由知名度一般嘅窪田正孝、上位男星山崎賢人扮演夜神月同埋L，而NTV電視台日前公佈擁有33F上圍嘅佐野雛子扮演彌海砂就引起更大迴響。
大家對電影版中，戶田惠梨香飾演嘅平胸彌海砂印象深刻，今次劇集版彌海砂忽然發育，相信拍慣水着寫真嘅佐野雛子可令觀眾帶來新鮮感。
佐野雛子忙於趕拍《死亡筆記》，早前公開佢為新劇拍嘅倒奶造型照，近期仲登上漫畫書同埋電玩雜誌封面，令佢大有機會憑爆乳彌海砂呢個角色走紅。