前學聯秘書長周澄前排先至同社民連副主席吳文遠和平分手，估唔到話咁快又墮入愛河。噚日周澄喺fb貼皇榜公告天下，佢同來自台灣嘅Charles Cheng「戀愛中」，而男方facebook亦投下多枚閃光彈，大晒兩人甜蜜恩愛合照，真係想晒死人咩。
其實睇番Charles嘅facebook，上個月初已經將佢嘅proflie pic轉咗做一張影住兩隻咖啡杯嘅相，左邊嗰隻寫住「Hong Kong」、右邊嗰隻寫住「Tainan」，非常之咁有寓意，話唔定佢哋喺嗰陣已經開始咗。點都好喇，八方喺度祝兩位幸福美滿、覓得真愛。