講起爺孫戀，有「得啖笑」嘅何傲兒同林建名，日本就有相差18年嘅不倫父女戀——46歲吉田榮作爆婚外情，搭上山下智久嘅28歲混血模特兒舊愛加賀美聖良。
台灣亦有一pair非常著名嘅爺孫戀——名曲《心肝寶貝》作詞人、59歲李坤城同19歲小女友林靖恩（阿溫）拍拖逾兩年，不時喺fb晒恩愛。昨早李坤城同小女友睇完《侏羅紀世界》後，一邊欣賞風景一邊食雪糕，仲留言：「綿綿不絕的小小幸福，我在蹲拍遠方太陽的浮現，北鼻說我抹茶冰淇淋開始融化，她罵我太浪費也笑我矯情。」甜到呢…有網民問佢哋係咪好事近？李坤城就回覆話會等到女友滿20歲先至結婚，預計係出年11月。