久未露面嘅胡仙，近日罕有接受香港樹仁大學新傳網訪問（圖），自爆受立法會拉布拖累。原來佢話同長實合作承投、活化虎豹別墅項目而組成嘅虎豹樂圃音樂學院，本來預計2017年開幕，項目工程需重新規劃，例如開通新路同安裝配套設施，但因為立法會拉布，令政府一億幾資助至今仲未批出，計劃要延期，𠵱家超支幾千萬。胡仙話學院𠵱家有3個職員，以虎豹音樂基金支持日常開支，學院十幾個課室嘅音樂器材仲未添置，所以未來會搞籌款，令計劃可以持續發展。佢話會喺等候期間先舉辦音樂訓練班，𠵱家搵緊願意借出場地嘅學校同教師，最希望係快快通過撥款。