政改打到嚟，市民真係要醒醒定定，唔好畀啲歪理誤導，將香港民主前程斷送。喺呢啲時候，梗係需要多啲資訊，噚日唔少人喺網上share一條《90秒看懂2017政改方案》短片（ https://www.youtube.com/watch?v=maSkGqnLgWE ），入面以非常簡淺嘅圖像同言語，話畀大家聽呢個政改方案，到底鯁唔鯁得落。究竟邊個網民咁神心，整條短片幫市民定神？八方聽聞短片出品自名為「政改拆大台」嘅facebook專頁，而呢個專頁係一班關心香港民主前途嘅中大舊生集資搞嘅，希望透過圖像同文章，拆解吓坊間有關政改似是而非嘅道理。