每個人心中，總有一座兒時至愛嘅波波池。太古城中心聽日起一連三日將溜冰場化身超大型波波池「波池的海」，放滿大小不一嘅黃色、灰色同淺啡色膠波，仲有條5米長滑梯同直徑3米巨型充氣球，喺個池度selfie又得，玩吓深水炸彈亦得。波波池每日朝10晚10開放，每節40分鐘，每次最多容納80人。只要like Cityplaza Hong Kong facebook專頁，再喺商場濕平，憑6月份發票或電影票尾就有得玩。玩之前要先量體溫同洗手，亦規定要除鞋着襪。今次所有膠波以低密度聚乙烯塑膠製成，可循環再造，活動完結後，部份膠波會捐畀慈善團體，其餘交畀回收機構重塑成塑膠產品。