【本報訊】全國人大常委范徐麗泰昨評論政改表決形勢，認為表面上政改方案獲通過機會很微，但政治難料，「你永遠唔會知發生乜事」。她指若泛民支持政改，有機會獲提名選特首，也有利2020年立法會普選；若否決社會繼續撕裂。
陳啟宗：民主社會就是撕裂
范太指現時政改方案，提名委員會可投2至N票，只要泛民候選人在社會有足夠認同，也有政績，相信可出閘選特首，下一步便可探討普選立法會。泛民表明反對，她認為是因擔心成為激進泛民的追擊對象，正如2012年民主黨支持政改方案後受追擊，令議席減少，削弱影響力，「所以大家都唔敢冒呢個險」。
恒隆地產主席陳啟宗昨出席對談會後表示，政改方案有機會通過，「我就唔賭錢，不過你要我買大細嘅話，我認為有機會。（機會大不大？）唔細啦」。他指即使被否決，「天唔會跌落嚟嘅」，也不會影響營商環境，「過又好，唔過又好，香港都ok喎」。他又指民主社會就是撕裂社會，「51對49，你話撕唔撕裂吖。一係就唔好要民主啫，要親就係撕裂社會㗎啦，冇乜大不了，香港會繼續繁榮」。
■記者王家文