【蘋果五個二十年】《蘋果日報》創報至今，不乏堅持同度風雨的員工，而服務了廿載的更多達66位。「蘋果五個二十年系列」一連五日表揚不同範疇的五位功臣，外至前線記者，內至版房印刷，甚至是協助發行的「德強記」，由他們口中道出廿年來箇中樂事、付出、感受與點滴。
「你唯一驚嘅就係——影～唔～到！」在《蘋果》服務了20年的動新聞（突發組）高級採訪主任張家樂，憶起當年經歷生死一刻時說。
02年轟動全港的富豪綁架案，家樂成為破案關鍵人物之一。當年，還是「聽機」（俗稱999機）的年代，突發記者能靠它接收警察通訊，能第一時間趕到案發現場採訪。其時，家樂收到蘇澤棠被綁架的消息，即時戴上頭盔、入了菲林，飛電單車趕往尖沙嘴現場。他說：「唔知點解，啲差人個個拎晒支槍行出嚟，心諗呢壇嘢大劑啦！落車時，啲綁匪就『呯』向天開槍，咁我走去車尾度趴喺地下。啲綁匪跨欄走，肉參又走出嚟，咁我咪喺度影囉！」
當時家樂完全忘記自己身陷險境，綁匪向他方向開槍，子彈擦身而過，才意識到生命受到威脅。直至返公司，沖相時見到拍到綁匪和肉參的獨家照片，才放下心頭大石。後來，西九龍警區重案組高級警司甚至要求「駁相」協助查案。
傳聞家樂因此事獲公司頒贈「免炒金牌」，他輕輕帶過：「傳說嚟嘅。」08年，家樂轉做《動新聞》，揸筆寫稿一切重新學習，他說：「《蘋果》生活就係咁，你一定要有壓力，冇壓力嘅話你生活唔到。」
【蘋果二十年】系列：
人人問肥佬黎 爆seed同情梁振英 http://bit.ly/1dlMzVN
人人問老闆 飛仔黎變肥佬黎 http://bit.ly/1dlMzVR
下個20年 我想《蘋果》點？ http://bit.ly/1MgqFi8
風雨不改：一份《蘋果日報》的誕生 http://bit.ly/1MgqFic
禁果造就《蘋果》 廿年銷量夠行地球一圈 http://bit.ly/1drhUq9
《蘋果》創報受阻 「神童輝」憶當年辛酸 http://bit.ly/1drhUq1
【蘋果五個二十年】靚相功臣 用鏡頭說話二十年 http://bit.ly/1Mm0mr8