政務司司長林鄭月娥及多名有份量的建制派中人，均說政改通過機會微乎其微，但有親北京傳媒卻引述一些建制派人士聲稱，政改仍有一半機會通過。有泛民中人看到這些報道，失笑之餘批評那些聲稱政改仍有一半機會通過的建制派「立心不良」，「佢哋咁講，其實就最想政改唔過」。
該泛民中人指，現在仍說政改仍有一半機會通過的人，其實大多是力主不向泛民讓步的人，「呢班人就係左派入面最強硬嗰班，最開頭就係呢班人不斷向中央講咪向泛民讓步、主流民意支持人大決定」。到民意顯示袋住先連五成民意也沒有，他們又改口說境外勢力會叫泛民轉軚，中央大可放心，「有內地中間人問過我哋，某愛國愛港人士同上面講，話境外勢力會逼泛民政黨轉軚，我即時反駁佢，話絕冇件咁嘅事」。
這些人近日又再吹風，稱政改仍有一半機會通過，無非想令中央相信，有泛民議員仍會在最後一刻轉軚，「等中央就算有人想做嘢，為政改鬆少少綁都唔得，等北京強硬派可以撐住」，就算最後泛民沒有人轉軚，那些人也可以說其實是泛民、境外勢力「玩嘢」，「一定唔係佢哋虛報軍情，必定係泛民又玩中央，到時為咗區選可以再追殺泛民、票債票償，又可以呃北京喺區選、立會選舉畀多幾個億維穩費」，所以對這班建制派人士來說，「話有一半機會通過，其實就係要唔過」。
季陶
周一至周五刊出