【本報訊】昨日青衣站有診所懷疑有新沙士個案後，全城恐慌，區內樓市首當其衝，睇樓量下跌三成，並出現即時減價，鄰區更有準買家臨簽約時縮沙，交易告吹。
昨天網上熱傳一則短訊，指青衣有人確診新沙士，一位疑似未上車的準買家打了句，「我未儲夠錢買樓喎。」
青衣區代理表示，座落機鐵青衣站上蓋的盈翠半島，本來昨天有12組客預約睇樓，最後有兩組客「唔想搵命博」甩底。灝景灣出現減價放盤，消息指，11座低層E室，實用499方呎，原叫價660萬元，昨減價20萬元至640萬元求售。葵涌廣場1座中層戶，買賣雙方昨晚約定傾價，約700萬元，買方卻臨場縮沙暫緩入市。青衣昨全日僅一宗買賣，為翠怡花園3座中層C室，成交價454萬元。中原陳永傑表示，如果確診是新沙士，影響不只青衣區，不過有過往經驗，當局會高度關注，所以對樓市影響未必太大。