這天沙田有11組試閘，以兩三歲新馬參與為主，較矚目有第八組800米草閘，賀廐未曾出賽的「索先生」在蘇狄雄胯下早段跟前，末段輕鬆竄上奪勝，兩歲馬既有速度之餘，走規亦穩定兼有強橫纒鬥力，十分難得。至於跑第二、三名，就是「有禮」、「魔連奴」。
「索先生」來頭不簡單，是今季香港拍賣馬，由史立德以高達550萬投得，以兩歲未跑過嘅馬來說算係好貴。牠與「駿馬名駒」、「崇山寶」、「金珀龍華」等名駒同父，均出自Exceed And Excel，血統甚佳。之前已經頻頻拍跳操得好辣，再睇埋今課試閘刻意考驗勝出，試到準晒，咁積極備戰，莫非賀賢等唔切隻馬下季插班，打算季內爭新馬賽力求即勝？