【蘋果五個二十年】陪着《蘋果日報》成長的除了香港人，還有立下不少汗馬功勞的《蘋果》員工。而由95年創報至今，為《蘋果》服務了20年的員工多?66位。「蘋果五個二十年系列」將一連五日表揚不同範疇的五位功臣，外至前線記者，內至版房印刷，甚至是幫手發行的「德強記」，道出廿年來箇中樂事、付出、感受與點滴。第一集，先介紹《蘋果日報》攝影部總監鄭逸宇，如何見證拍攝科技的日新月異。
一張照片勝過千言萬語。身為《蘋果》攝影總監的鄭逸宇，當然深明此理。「其實都唔明點會做到廿年！我諗住試吓做兩年咋。」逸宇95年入職，當時擔任高級攝影記者，採訪過96年台灣總統選舉、97年回歸等大事。「最難忘97年回歸七月一號凌晨，我哋幾個同事喺上水影解放軍入城，百幾年先有一次嘅新聞，而且唔會再發生，嗰個壓力好大！見到張大相擺咗喺頭版做頭條新聞，好有滿足感。」
這二十年來，逸宇用鏡頭去記錄歷史，但身邊的攝影器材，卻見證着時代的轉變。08年，《蘋果》進入數碼時期，《動新聞》的誕生，拍硬照變成數碼錄影，近年更演變至「航拍」。他說：「呢廿年嘅轉變，每次科技所帶嚟嘅衝擊，你每樣嘢都要重新學一次。」
去年佔領中環，逸宇利用航拍直升機，高空拍下一幕幕驚心動魄的鏡頭，成為了歷史見證。他說：「928嗰日開始混亂，我就叫同事攞架直升機出去，喺上邊一路巡航，個效果完全係震撼。」
問逸宇二十年後想做甚麼？他不加思索的說：「二十年後我退休了！」然後拿着陪伴多年的「戰友」說：「二十年後我希望仲行得郁，可以攞住佢繼續影到相。」
下一集，我們會介紹曾經採訪過綁匪槍擊案，與子彈擦身而過的《蘋果日報》突發組高級採訪主任張家樂。
【蘋果二十年】系列：
人人問肥佬黎 爆seed同情梁振英 http://bit.ly/1dlMzVN
人人問老闆 飛仔黎變肥佬黎 http://bit.ly/1dlMzVR
下個20年 我想《蘋果》點？ http://bit.ly/1MgqFi8
風雨不改：一份《蘋果日報》的誕生 http://bit.ly/1MgqFic
禁果造就《蘋果》 廿年銷量夠行地球一圈 http://bit.ly/1dpLOey
《蘋果》創報受阻 「神童輝」 憶當年辛酸 http://bit.ly/1MhS9UO