【壹錘】被嘲對住傳媒做戲懷仔令陳婉嫻一舖清袋

【壹錘】被嘲對住傳媒做戲
懷仔令陳婉嫻一舖清袋

無證童肖友懷的外婆周紹璇日前向曾協助他們的立法會議員陳婉嫻發炮,指遭其欺騙才答應自願遣返回內地;陳婉嫻昨開腔回應,表示「任何嘢都係client(求助者)提出嘅,我哋冇咁樣嘅動機」。《壹錘定音》主持李慧玲批評陳婉嫻自稱沒有動機的說法荒謬,「隨隨便便數幾個動機出來:第一,佢要自保;第二,都係自保,第三,同樣係自保!」她認為懷仔事件使陳婉嫻形象「一舖清袋」,比工聯會更有動機去盡快解決事件。

慧玲直指,懷仔事件使陳婉嫻成為眾矢之的,禍延工聯會,不論政府是否給予酌情權懷仔,都會拖延一段時間;而年末區議會選舉即將來臨,對陳婉嫻及工聯會而言,如果要「拆彈」,沒有比讓懷仔自願接受遣返更簡單直接的做法。她認為從工聯會角度看,本土派借懷仔事件煽風點火,有人很可能以為若懷仔離開香港,對手就再沒有彈藥。「咁簡單嘅理由,陳婉嫻都話諗唔到,究竟係嫻姐唔老實,抑或別有內情?」

慧玲認為事實上,陳婉嫻可能比工聯會更有動機盡快解決事件,因為除了輿論批評她,工聯會內部亦肯定有不少人向她放暗箭。她指出在左派圈子,陳婉嫻一直自詡形象最好;2012年超級區議會選舉,陳婉嫻原本已退休,工聯會左思右想,最後都要找她壓場參選。不過工聯會內部似乎並非所有人都支持她,數月前,工聯會理事長吳秋北說要將內地《國安法》引入香港,陳婉嫻批評他經驗不足,吳秋北被記者問到陳婉嫻的說法時,竟然回應指自己不認同,說自己不會因為對著傳媒就演戲。慧玲笑言:「呢句真係窒得好應,因為民主派私底下畀咗個花名陳婉嫻,叫佢『影后』,把口就爭取工人權益,但投票就鬆章畀政府;估唔到連工聯會自己人都咁揶揄佢!」

有人說「邊度跌低咗邊度企起身」,但慧玲指陳婉嫻今次剛好倒轉,陳以往因為善於爭取民心而冒起,今次卻因與民情脫節而失足,對政界中人是很好的啟示。「我喺懷仔件事一開始,已經喺《壹錘定音》講過,陳婉嫻係罪魁禍首,可惜由佢昨日出嚟嘅態度睇,佢仲係唔知錯,唔認錯。」