預計炒價以倍數計的滙豐銀行150周年紀念鈔，成功抽中的幸運兒今日起可以到指定地點領取。雖然可能有不少人都會即時轉手發一筆小橫財，但相信同時有人好好珍藏，留為紀念。新淨鈔票要怎樣才可妥善保存呢？《蘋果》請教過專家。
網上流傳，只要將發霉銀紙浸在加入少鹽的牛奶中，靜待一會，再撈起過水，以及用吸水紙吸乾，就可以趕絕霉菌。《蘋果》記者請教「金輝錢幣郵票公司」負責人「輝哥」陳榮輝。輝哥稱，銀紙保值程度最視乎它是否有光澤和凹凸紋，用牛奶或水抹發霉紙幣會導致失去原有光澤，其實是大忌，「無咗原有質感，呢張銀紙我哋一睇就知得返一半價錢」。
用牛奶是大忌，用書夾、用手模同樣要不得。有人怕紙幣「皺皮」或有摺痕，會用書夾起，但輝哥指這方法同樣會把凹凸紋壓平而失去價值。他又提醒，即使有專用收藏冊存放紙幣，最好還是戴上手套用鉗夾銀紙，否則易因沾染到手汗而變黃。
香港天氣潮濕，以為用「臭丸」就對了，其實又做錯。輝哥稱曾試過有顧客帶同大卷連體鈔放售，但「一攞埋嚟我離遠都聞到陣臭丸、樟腦味，以為最好，實在係最傷張紙，好快變黃㗎，千祈唔好擺喺衣櫃。」
輝哥稱最好的保存方法當然是將銀紙放入防潮箱，但部份如今次發售的35連張體形龐大，「邊有咁大個放潮箱？」故他推薦一般家庭可以就地取材，將銀紙放入膠袋後再用報紙包兩層，「我哋試過撞板，擺咗一疊報紙喺郵票上面，擺咗幾年唔記得咗，個疊報紙幾年後揭開濕晒，但裡面郵票完全無事，黃都無黃」。他解釋因為報紙可以防潮、油墨味更可以防蟲，比用樟腦更好。